Æfingaleikur mánudaginn 11.nóv í Risanum

Mánudaginn 11.nóv verður æfingaleikur í Risanum (knattspyrnuhús FH) frá 17:00 til 18:00.
Mæting kl 16:50 - muna að klæða sig vel !
Skrá sig í athugasemdir hverjar komast :)

Punktar frá foreldrafundi

# Þjálfari kynnti sig og hvernig æfingar hafa gengið fyrir sig.

# Æfingatímum hefur verið breytt - flokkurinn æfir ekki lengur á mánudögum heldur núna á miðvikudögum frá 16:00 til 17:00

# Agakerfið á æfingum var kynnt á fundinum, en notast er við gult og rautt spjald. Gula spjaldið er lokaviðvörun og það Rauða gefur til kynna að iðkandi verður að hvíla/horfa á 5mín. Hins vegar hefur þjálfari aldrei þurft að beita rauða spjaldinu og finnst ólíklegt að það verði notað :)

# Með tilkynningu forfalla, þá kíkir þjálfari daglega inná athugasemdir á bloggsíðu flokksins. Þar af leiðandi er gott að foreldrar tilkynni forföll í athugasemdir við nýjustu bloggfærsluna hverju sinni. Ef iðkandi verður aftur á móti lengur frá t.d. vegna meiðsla, leyfis o.s.frv. má senda þjálfara tölvupóst. Netfangið er hægra meginn á síðunni.

# Í gær var fyrsti félagslegi hittingur flokksins á tímabilinu. Það mun vera að minnsta kosti 1x í mánuði sem flokkurinn gerir eitthvað skemmtilegt saman og verður reynt að halda kostnaði í lágmarki (mun ekki alltaf kosta eitthvað). 

# Mót sumarsins - verða með svipuðu sniði og í fyrra, ásamt því að taka æfingaleiki með reglulegu millibili. Eina mótið sem þjálfari setti spurningamerki við var Sauðárkrókur en vildi samt halda þeim möguleika opnum. Tímasetning mótsins er mjög góð og virðist vera að batna eftir dálitla lægð. Nánar rætt síðar.

Dagskrá næstu daga

Sælir kæru foreldrar,

dagskrá næstu daga lítur svona út:

# Mánudagur 4.nóv

Foreldrafundur kl 19:30 og verður haldinn í fundarsalnum Engidal á Ásvöllum. 

# Miðvikudagur 6.nóv

Vídeóhittingur kl 17:00 !  Stelpurnar fá að taka með sér svala og kexkökur (eða ávexti) og planið er að koma okkur vel fyrir í fundarsalnum Engidal og horfa á vídeó saman. 

Reiknum með að vera klukkutíma og ekki er fótboltaæfing þennan dag.

Á döfinni í nóvember er svo að taka æfingaleik en það er enn í vinnslu og verður kynnt þegar lengra líður.

kv. Þjálfarar

Verkefni á vegum HÍ - til foreldra barna '06

Verkefni á vegum HÍ - beint til foreldra iðkenda árgangs '06

Ég, Andri Rafn Ottesen, er að vinna verkefni í námskeiðinu Þroska- og námssálarfræði í Háskóla Íslands ásamt tveimur öðrum nemendum. 

Verkefni gengur út á að kanna sjálfsmynd/sjálfsvitund og fá börn/einstaklinga á ólíkum aldri til að svara spurningum.

Okkur vantar 6 einstaklinga á 3 mismunandi aldursbilum (2 einstaklingar á hverju).

Þar sem börn undir 18 ára mega ekki taka þátt nema með leyfi foreldra, þætti okkur vænt um að fá sendan póst ef áhugi er á að leyfa barni ykkar að taka þátt. Netfangið er [e-mail].

Áætlað er að velja þáttakendur af handahófi svo ekki munu allir sem skrá sig þurfa að taka þátt.

Ætlunin er að leggja spurningarnar fyrir munnlega og á æfingatíma flokkanna mögulega í næstu viku.

Með fyrirfram þökkum,

Andri Rafn Ottesen

Bjarni Bachmann

Daníel Ómar Viggósson

Enginn Risi í vetur

Af óviðráðanlegum orsökum æfum við ekki í Risanum í vetur.
Sunnudagsæfingarnar okkar verða þar af leiðandi á sama tíma og áfram á Ásvöllum.

Mæting á æfingar hefur verið frábær og dugnaður stelpnanna mikill !
Minnum samt á að mæta á réttum tíma + að klæða sig eftir veðri :)

Eftir helgi kemur inn blogg með viðburðum október mánaðar !

kv. Þjálfarar

Áminning frá félaginu

Skráningar iðkenda og greiðsla æfingagjalda fyrir 2013-2014

Skráningar og greiðsla æfingagjalda hafa gengið ágætlega en þó er enn um að iðkendur séu óskráðir. Við viljum því minna ykkur á að ganga í það og höfum við ákveðið að gefa ykkur frest til þriðjudagsins 15. október n.k. til þess að ganga frá skráningum. Skrá þarf í gegnum „Mínar síður“ hjá Hafnarfjarðarbæ en það er eina leiðin til þess að hægt sé að nýta niðurgreiðsluna. Eftir það verða þeir iðkendur sem enn eru óskráðir, skráðir inn af okkur og fá forráðamenn sendan greiðsluseðil heim. Það skiptir því miklu máli að skrá iðkendur sem fyrst til að fá þá niðurgreiðslu sem iðkendur eiga rétt á.

Ef það er eitthvað óljóst í þessu, þá endilega hafið samband við Bryndísi í síma: 525-8702 eða á netfangið: [e-mail] 

Lesa vel !

Nú er farið að kólna í veðri og því mikilvægt að klæða sig vel fyrir æfingar. Við á okkar litla Íslandi vitum aldrei hverju við eigum von á og því er um að gera að taka frekar einni flík of mikið frekar en að vanta eina :)

Sjáumst hress á æfingum !

Tímabilið 2013-2014 hafið ! + skráning

Þá er uppskeru síðasta tímabils lokið og nýtt tímabil formlega tekið við. Við þjálfarar þökkum bæði foreldrum og leikmönnum samstarfið á síðasta tímabili :)

Við minnum á æfingatíma flokksins í vetur

(ath ! Risinn byrjar ekki strax, en það verður tilkynnt á blogginu)

Æfingatímar 7.flokks í vetur:

Mánudagar - kl 16:00 til 17:00 - gervigras

Fimmtudagar - kl 17:10 til 18:00 - Ásvellir (fjölgreinaæfing)

Sunnudagar - kl 11:00 til 12:00 - gervigras

kv. Þjálfarar

 

 

Skráningar og greiðsla æfingagjalda eru nú í fullum gangi og eru forráðamenn minntir á að nýta sér niðurgreiðsluna frá Hafnarfjarðarbæ. Það skiptir því miklu máli að skrá iðkendur sem fyrst til að fá fulla niðurgreiðslu. Eins og er, er enn opið fyrir niðurgreiðsluna í september og því um að gera fyrir þá sem enn eiga eftir að ganga frá skráningu og æfingagjöldum, að ganga frá því strax. Um mánaðarmótin sept/okt dettur niðurgreiðsla fyrir september út. Eftir það, gildir niðurgreiðslan frá þeim degi sem er skráð.

Ef það er eitthvað óljóst í þessu, þá endilega hafið samband við Bryndísi í síma: 525-8702 eða á netfangið: [e-mail]  

Uppskeruhátíð á sunnudag - Frí á mánudag

Þá er loksins komið að því að halda uppskeruhátið fyrir yngstu flokka í knattspyrnu, 5. - 8.fl. kk og kvk. Hún verður sunnudaginn 22. september kl. 13-14 hér í íþróttasalnum á Ásvöllum. Allir þessir flokkar munu fá verðlaunapening og síðan verður sameiginlegt kaffi í kaffiteríuanddyrinu okkar þar sem forráðamenn koma með á hlaðborð.

Engar æfingar eru á degi uppskeruhátíðar. 

Af óviðráðanlegum aðstæðum verður að gefa frí á æfingu á mánudaginn 23.september. ALLT var reynt til að hægt væri að hafa æfinguna en ekkert gekk og því er FRÍ á MÁNUDAGINN. Vonandi eina skiptið sem verður á þessu tímabili.

Sjáumst á uppskeruhátíðinni,

kv. Þjálfarar

Æfingatímar og skiptin

Ekki er enn komin dagsetning á uppskeruhátíð yngri flokka. Því bíðum við bara róleg og nánari upplýsingar verða kynntar síðar.

Þjálfari hefur ákveðið að frá og með sunnudeginum muni iðkenndur ganga upp um flokk. Þetta þýðir að árgangur 2005 mun núna ganga upp í 6.flokk og árgangur 2007 kemur uppí 7.flokk :)

Bloggsíða 6.flokks er www.6kvkhaukar.blog.is (fyrir foreldra þeirra stelpna sem eru að ganga upp um flokk)

Æfingatímar 7.flokks í vetur:

Mánudagar - kl 16:00 til 17:00 - gervigras

Fimmtudagar - kl 17:10 til 18:00 - Ásvellir (fjölgreinaæfing)

Sunnudagar - kl 11:00 til 12:00 - gervigras

Ef einhverjar spurningar kveikna þá endilega skiljið eftir línu í athugasemdum.

kv. Þjálfarar