Miðvikudagur

Á morgun, miðvikudaginn 6.mars, ætlar flokkurinn að vera inni vegna þess að það er spáð miklum kulda, úrkomu og vindi. 

Þar af leiðandi þarf ekki að mæta í takkaskóm og tilheyrandi útidóti því við verðum bara inni á Ásvöllum, þar sem þjálfarar hafa planað skemmtilega stund.

Við hvetjum allar til að mæta á réttum tíma og við ætlum að safnast saman við aðal-innganginn.

AÐALREGLA morgundagsins verður auðvitað að sýna sínar bestu hliðar og kurteisi við starfsfólk hússins fyrst við fáum að vera inni :)

Sjáumst hress á morgun,

kv. Þjálfarar

Varðandi næsta sunnudag

Skilaboð frá FH:

Næstkomandi sunnudag verður Kaplakriki undirlagður við frágang vegna árshátíðar Hafnarfjarðarbæjar. Húsið verður því lokað fram til 12:00 á meðan mesta vinnan fer fram, Risinn verður þó opinn og ættu ekki neinar æfingar að falla niður en iðkendur þurfa að ganga meðfram girðingunni fram til 12:00, eftir það verður húsið opið öllum. Mikilvægt er að koma þeim skilaboðum til þeirra sem eiga æfingar frá 09 – 12 svo fólk verði ekki að reyna að ganga í gegnum húsið.

Þema á Sunnudaginn

Við ætlum að hafa smá þema á sunnudaginn í Risanum.
Það verður buff þema og hvetjum við auðvitað allar til að taka þátt :)

Sjáumst hress og kát í Risanum á sunnudaginn,
kv. Þjálfarar 

Vinkonuvikunni lokið

Við þjálfarar þökkum fyrir skemmtilega og öðruvísi viku sem lauk núna um helgina og vonum að þið hafið haft gaman af líka :)

En núna höldum við ótrauð áfram og markmið æfinganna verður auðvitað að læra meira og bæta sig með hverjum deginum ! 

Við sjáumst hress og kát á næstu æfingu, öskudaginn !
kv. Þjálfarar 

Pitsavídeóhittingur í vinkonuvikunni

Á föstudaginn 8.febrúar ætlum við að hittast öll á Ásvöllum og fá okkur pitsu og horfa á vídeó.
Maeting kl 17 og verdum til rumlega 19.

Allar stelpurnar í flokknum eru hvattar til að mæta og endilega að taka með sér vinkonu líka !

Taka með sér 600kr hver fyrir pitsu og drykk.
Sjáumst hress á æfingunni á morgun,

kv. Þjálfarar 

Vinkonuvika, veður, mót og fleira.

# Vinkonuvikan hefst á miðvikudaginn, 6.febrúar, en nánir upplýsingar í bloggfærslunni hér fyrir neðan. Skemmtileg og fjölmenn vika sem enginn ætti að láta framhjá sér fara.

# Íslensk veðurátta er alveg stórkostleg. Minnum á að stelpurnar séu vel klæddar fyrir æfingar enda allra veðra von. Við frestum eða sleppum aldrei æfingu og gerum alltaf það besta úr hlutunum en ef veður er extra vont, þá reynum við að komast eitthvað inn.

# Mótamál í sumar eru orðin ljós og lítur svona út fyrir 7.fl kvenna:

Mót	Staðsetning	Dagsetning	Tegund	Verð
KFC mót Víkings	Fossvogur	4. til 5.maí	Dagsmót	2000kr
VÍSmót Þróttar	Laugardalur	25. til 26.maí	Dagsmót	2000kr
Landsbankamótið	Sauðárkrókur	29. til 30.júní	Helgarmót	8000kr
Símamótið	Kópavogur	18. til 21.júlí	Helgarmót	7000kr
Arionbanka mót Víkings	Fossvogur	17. til 18.ágúst	Dagsmót	2000kr

Ath. Þau mót sem eru skráð sem dagsmót verða einn dag þó svo að það sé gefið upp tvo daga í dagsetningunum. Það verður því annar dagurinn af þeim sem er gefinn upp sem verður spilað en það mun alltaf verða ljóst þegar nær dregur því móti. 
Ath. Verð sem gefið er upp er áætlað miðað við síðastliðin ár og per keppandi. 

Vonumst til að sjá sem flestar í vinkonuvikunni og að veðrið verði vinur okkur líka í þessari viku.
kv. Þjálfarar  

 

Vinkonuvikan (4. til 10.feb)

Þann 4.febrúar næstkomandi munum við þjálfarar standa fyrir vinkonuviku í fótboltanum hjá Haukum. Vikan verður þannig að hver og einn iðkandi tekur vinkonu sína með sér á æfingar í heila viku. Vinkonan má ekki vera að æfa fótbolta hjá Haukum í augnablikinu :)
Vikan yrði nánast óbreytt frá því sem hefur verið:
Miðvikudagsæfing kl 16:00
Fimmtudagsæfing kl 17:15 (inni á Ásvöllum)
Sunnudagsæfing kl 12:00 (í Risanum)
+ Félagslegt sem við myndum kynna þegar nær dregur.

Núna fá stelpurnar tækifæri til að draga vinkonu sína með á æfingu og kenna þeim alla flottustu taktanna og sýna þeim hvernig við skorum mörkin. Vinkonurnar munu parast saman í æfingum svo það er engin ástæða til að vera feimin.
Nú getið þið farið að bjóða vinkonu ykkar og megið svo endilega skella því í athugasemdir hver vinkonan verður hjá hverri og einni :)

Þetta verður skemmtileg vika og við þjálfararnir erum virkilega spenntir !
Mót sumarsins eru farin að skýrast og við lofum því að upplýsingar um þau koma inná bloggsíðuna í næstu viku.
kv. Þjálfarar

Æfingaleikur og Vinkonuvika

Við munum spila æfingaleik sunnudaginn 20.janúar í Risanum við Fjölni kl 11.00.
ATH ! Kl 11.00 í Risanum, allir að skrá sig í athugasemdum hverjir komast :)

Verðum svo með vinkonuviku í byrjun febrúar og munum útskýra það betur þegar nær dregur !

Minnum svo á æfinguna á miðvikudaginn kl 16.00 :)

kv. Þjálfarar

Fyrsta æfing ársins inni

Sæl öll sömul

 Vegna þess hve vindurinn er sterkur verðum við inni í dag, miðvikudaginn  9.janúar

Mætið inn í íþróttasalinn á Ásvöllum (B-hliðin) kl  16.00

kv. Þjálfarar

Gleðilegt nýtt ár

Sæl öll og gleðilegt nýtt ár :) Ég vona að allir hafi átt gleði og hamingjuríka hátíð og að stelpurnar okkar hafi fengið flotta pakka. Nú styttist í fyrstu æfingu ársins hjá okkur en hún verður miðvikudaginn 9.janúar kl.16.00 á gerfigrasinu ásvöllum.

Við hlökkum til að sjá ykkur allar á fyrstu æfinguni 

kv. Steini og Andri

ps. Passið ykkur á tröllunum og álfunum á þrettándanum :)