Æfingin á sunnudaginn (1.júní)

Vegna Haukabíósins sem verður á sunnudaginn hefur þjálfari ákveðið í samráði við kvennaráð Hauka að flýta æfingu á sunnudaginn svo allir nái nú örugglega að komast.

Æfingin á sunnudaginn (þetta eina skipti) verður því kl 10:00 til 11:00.

Allar upplýsingar um Haukabíóið má finna í bloggfærslunni hér fyrir neðan :)

Kv. Andri Þjálfari

Góðu VÍS-móti lokið + auglýsing

Langar að þakka bæði stelpunum og foreldrum fyrir mjög skemmtilegan dag í Laugardalnum. Flott mót hjá Þrótti og vonandi hafa allir skemmt sér jafn vel og við þjálfarar. Rosalega flottar framfarir hjá mörgum og félagið getur svo sannarlega verið stolt af litlu stúlkunum sínum :)

Það er æfing á morgun, sunnudag kl 11:00 - ef fólk vill samt taka frí deginum eftir mót að þá er það ekkert mál. Annars æfing fyrir þær sem vilja.

Svo er hérna smá auglýsing frá kvennaráði Hauka:

 

Kæru Haukarar,

Frábær fjáröflun sem kvennaráð yngri flokka Hauka hefur sett á lagirnar. 
1.júní kl. 12:00 verður Haukaforsýning á myndinni Töfralandið OZ, Dóratea snýr aftur. http://www.laugarasbio.is/?p=movie&id=668

Miðaverð kr. 1.500. innifalið er auk miðans lítið gos og popp. 
Fyrir hvern seldan miða fá hver iðkandi 350 kr. 
Skemmtileg fjáöflun þar sem t.d. stórfjölskyldan, bekkjafélagar, vinur og aðrir skemmtilegir geta gert sér glaðan dag á þessari skemmtilegu mynd. 
Framkvæmdin er þannig að kvennaráðið mun sjá um að selja miðana og gera upp við iðkendur og verða þeir til sölu á Ásvöllum, mánudaginn 26.maí, þriðjudaginn 27 maí og miðvikudaginn 28 maí milli 18 til 18:30 
Nánari upplýsingar veita Hlynur í síma 698-2603 eða Margrét í síma 860-8161 
Ath það er takmarkað sætaframboð.

Sumarkveðja 

Hlynur, Enika, Margrét, og Karl Rúnar. 

VÍS-mótið núna á laugardaginn

Búið er að stofna facebook-síðu fyrir foreldra stúlkna í 7.fl kvenna.

Hana má finna með því að ýta hér og bæta sér í hópinn.

 

Þátttökugjald er 2500kr á haus 

Emilía, Katla, Lydía, Viktoría Klara, Ísabella, Arna

Mæting kl 10:40 við gervigrasvöllinn

11:15 - Stjarnan - Gervigras Völlur 3

11:45 - Valur - Gervigras Völlur 2

12:45 - Víkingur - Gervigras Völlur 2

13:15 - Víkingur - Gervigras Völlur 2

Bryndís, Rut, Viktoría J, Rakel, Louisa, Þóra, Ragnheiður

Mæting kl 14:10 við gervigrasvöllinn

14:45 - Stjarnan - Gervigras Völlur 2

15:15 - Þróttur - Gervigras Völlur 2

15:45 - Valur - Gervigras Völlur 2

16:15 - Víkingur - Gervigras Völlur 2

Muna eftir: keppnistreyjunni, legghlífum, vatnsbrúsa, haukaskapinu.

Gagnlegar upplýsingar:

# Mótsgjald skal greitt sem fyrst eftir komu og eingöngu er tekið við greiðslu frá öllu liðinu í einu. Liðstjóri getur sótt glaðning í Þróttarheimilið þegar mótsgjald er greitt.

# Verðlaunaafhending og myndataka verður við innganginn vestan megin við Þróttarheimilið. Lið geta mætt í myndatöku og verðlaunaafhendingu hvort sem þeirra leikjum er lokið eða ekki. Hver keppandi fær pizzu afhenda við suðurenda gervigrasvallarins.

# Myndir af liði og mótinu sjálfu eru aðgengilegar á http://www.draumalidid.is/mot/122/2 og á http://www.sporthero.is .

Hér er svo auglýsing frá Intersport (ýtið á myndina til að stækka hana)

 

 

Áhyggjufullur þjálfari

VÍS-mótið er á laugardaginn og skráning er ekki góð :(

Þessar hafa skráð sig:  Bryndís, Rut, Viktoría, Emilía, Katla, Ragnheiður, Lydía, Edda, Rakel, Viktoría Klara,

Við erum skráð með tvö lið og þurfum þess vegna lágmark 14 stelpur til að manna það..
Núna verð ég að biðja alla um að drífa í að skrá og láta orðið ganga !
Það væri mjög leiðinlegt að þurfa að draga lið úr keppni :(

kv. Andri þjálfari 

Haukar eru bestir !

Meistaraflokkurinn vill senda þakkir til þeirra stelpna sem leiddu inná í dag og voru boltasækjar ! Mjög ánægðar með ykkur :)

Það var búið að segja við mig að þær myndu fá eitthvað eftir leikinn en svo var ekki og það vissulega svekkjandi. Eftir að hafa samt rætt við stelpurnar í meistaraflokknum náðum við að semja um að þær myndu kíkja á æfingar hjá okkur í sumar af og til og okkar stelpur myndu þá vera boltasækjar á einhverjum heimaleikjum.

Að lokum langar mig að biðja ALLA foreldra um að lesa bloggið hér fyrir neðan og skrá á hvaða mót stelpurnar komast í sumar. 

EINNIG VERÐ ÉG AÐ FÁ AÐ VITA HVERJIR KOMAST Á VÍSMÓTIÐ SEM FYRST !

Sjáumst hress á æfingum,

kv. Andri þjálfari

5 mikilvægir punktar !

Punktur 1 - Æfingin á sunnudaginn gæti orðið með skrítnu sniði. Þannig er mál með vexti að það er settur leikur á vellinum á æfingatímanum okkar en við höfum alltaf séð sólina gegnum skýin. Ég bið iðkendur bara að mæta við gervigrasvöllinn á settum æfingatíma og við gerum gott úr hlutunum.

Punktur 2 - Nú styttist í VÍS-mótið sem verður laugardaginn 24.maí. Það væri mjög gott að fá staðfestingu í athugasemdum, bæði hvort iðkandi komist á mótið eða komist ekki. Greiðslufyrirkomulag verður sett inn á síðunna fljótlega. VÍS-mótið er dagsmót, þar sem hvert lið spilar 4-5 leiki og að mótinu loknu verður myndataka ásamt alls kyns glaðningum. 

Punktur 3 - Á sunnudaginn er fyrsti leikur í Íslandsmóti hjá Meistaraflokki kvenna hjá Haukum. Leikurinn er á okkar æðislega heimavelli og mikil spenna fyrir sumrinu. Stelpurnar í meistaraflokknum hafa óskað eftir því að við leiðum inná fyrir leik ásamt því að fá nokkrar til að vera boltasækjar meðan á leik stendur. Þetta er mikill heiður og auðvitað gaman að sjá eldri haukastelpurnar spila á heimavellinum okkar :)

Þær sem vilja leiða inná og vera boltasækjar mega mæta hjá sjálfsalanum á Ásvöllum á sunnudaginn kl 13:45.

Punktur 4 - Mótin í sumar. Þar sem þjálfari er núna að undirbúa sumarið og skrá lið á mótin í sumar væri mjög fínt að gera óformlega könnun og biðja foreldra um að setja einnig í athugasemdir á hvaða mót iðkandi kemst í sumar. Þetta er bara gert til að auðvelda skráningu fyrir þjálfara :)

Mótin í sumar: VÍS-mótið 24.maí, Sauðárkrókur 28.-29.júní, Símamótið 17.-20.júlí og Arionbankamótið lok ágúst.

Punktur 5 - Síðustu þrjár æfingar hefur þjálfari gert óformlega könnun á æfingu til að sjá hversu margar stúlkur mæta á æfingu í legghlífum og með vatnsbrúsa. Þrátt fyrir að hafa tekið sig á í legghlífamálum er enþá minna en helmingur sem mætir á æfingar í legghlífum.

Kv. Andri þjálfari

Dómaranámskeið

Sælir foreldrar

 

Nú á fimmtudag verður KSI með dómaranámskeið á Ásvöllum kl. 17:00.   Allir foreldrar iðkennda í öllum flokkum HAUKA  eru velkomnir á þetta námskeið og óskar knattspyrnudeildin eindregið eftir því að sem flestir mæti!

Það auðveldar allt starf deildarinnar mjög að geta leitað til áhugasamra foreldra með að dæma leiki yngri flokka Hauka í Íslandsmóti og einnig í æfingaleikjum. Einnig verðið þið líka fróðari um knattspyrnu og reglur leiksins og getið þannig frætt börnin ykkar um það þegar að fylgst er með leikjum í sjónvarpi eða á vellinum.

 

Ef fólk situr þetta dómaranámskeið og tekur prófið úr því (mjög létt krossapróf) þá öðlast viðkomandi svokallað unglingadómarapróf, það veitir rétt til að dæma í 4. flokk og neðar og vera aðstoðardómari í 2.flokk og neðar. Ef viðkomandi dæmir 10 leiki á sama ári og hann tekur prófið þá fær hann aðgangsskírteini frá KSI á alla leiki í knattspyrnu á vegum KSI  (pepsi, 1. deild og landsleiki osv. fr.)

 

Þeir sem hafa áhuga á þessu endilega setjið ykkur í samband við undirritaðann eða dómarastjóra Hauka Kristjan Ara [e-mail]  nú eða mætið bara á Ásvelli kl. 17:00 á fimmtudag.

 

Virðingarfyllst

Jón Erlendsson

Formaður Knattspyrnudeildar Hauka

Áfram Haukar

Ég þakka samveruna í dag í litlu lautarferðinni okkar :)

Minni svo á að vera duglegar að mæta á æfingar og gera sitt besta !

Upplýsingar frá VÍS-mótinu: 7.flokkur kvenna spilar laugardaginn 24. maí.

kv. Andri þjálfari

Lautarferð á sunnudaginn

Það eru leikir á vellinum á sunnudaginn svo við ætlum að gera eitthvað skemmtilegt í staðinn fyrir æfingu.

Hugmyndin er að fara í smá lautarferð og skemmtilega útileiki.

Við mætum fyrir utan Ásvelli kl 11, gott að hafa smá nesti með í bakpoka og verðum komin aftur að Ásvöllum um kl 12.

Þeir foreldrar sem vilja slást með í för eru hjartanlega velkomnir :)

Svo þá er bara þrennt sem þarf að muna eftir: klæða sig eftir veðri, hollt og gott nesti og haukaskapið !

Sjáumst hress á sunnudaginn,

kv. Þjálfarar

Flott mót í dag - Sumarið komið !

Mig langar að þakka stelpunum og foreldrum fyrir skemmtilegan dag í Fossvogsdalnum á mjög skemmtilegu og vel heppnuðu móti. Stelpurnar stóðu sig ekkert smá vel og voru félaginu mikill sómi.

Núna má segja að sumarið sé komið og ekkert betra í góðu veðri en að skella sér á skemmtilega fótboltaæfingu. Munum svo að taka vatnsbrúsa með á æfingarnar, því það getur verið hressandi að fá sér vatnssopa ef það er heitt á æfingu.
Dagskrá fyrir maí-mánuð kemur svo inn í vikunni.

Hér fyrir neðan má svo sjá mynd af liðunum tveim (og einu foreldraliði).
Enn og aftur, takk fyrir daginn allir !
Sjáumst svo hress og kát á æfingum.
kv. Þjálfarar