Fjáröflun

Fjáröflun fyrir mót sumarsins er farin af stað.   Fjáröflunarblöðum var dreift fyrir viku síðan, en eftir dreifingu kom í ljós smá ósamræmi um verð á kleinum og snúðum á milli blaða. Uppfærð fjáröflunarblöð hafa verið send til foreldra með tölvupósti.

Minnum á að þær stelpur sem ætla að vera með í fjáröfluninni verða að eiga fjáröflunarreikning í útibúi Landsbankans við Fjarðargötu. Þær sem ekki enn eiga reikning drífi í að stofna hann strax eftir páska.

Skiladagur pöntunarseðla ásamt greiðslum er miðvikudaginn 3. apríl kl. 17 í anddyri Ásvalla. Greiðslur er hægt að afhenda með reiðufé eða með því að millifæra á sameiginlegan reikning 7. flokks, þaðan verður greiðslum ráðstafað til birgja og ágóða inn á reikning stelpnanna. Sameiginlegur reikningur 7. fl. til að millifæra á:  0140-05-071100, kt. 260478-4519. Þeir sem vilja millifæra verða að afhenda kvittun fyrir millifærslu með pöntunarseðlum.

Afhendingardagur verður ca. viku síðar en nánari upplýsingar verða settar á bloggsíðu/sendar með tölvupósti til foreldra þegar þar að kemur.

Páskakveðja,

Foreldraráð (Hjalti, Magga, Rósa og Sissi).