Króksmótið 2013 - Lið og upplýsingar

Núna er Króksmótið nánast handan við hornið og spenna sumarsins að ná hámarki. Ef leikmenn eru jafn spenntir og þjálfarar þá má segja að um háspennu sé að ræða ! Miklar framfarir hafa átt sér stað á æfingum og margir leikmenn farnir að sýna á sér nýtt andlit hvað varðar fótboltan.

Við komum því enn og aftur á framfæri að aðalmarkmið flokksins verður að hafa gaman og læra að spila fallegan og skemmtilegan fótbolta !

Á mótum sumarsins verður fagnað mörkum, glaðst og notið þess að iðka eina skemmtilegustu íþrótt heims. Þegar þessir leikmenn taka höndum saman fær gleðin að ráða og njóta sín í botn. Við þjálfarar og foreldrar erum fyrirmynd þessara stelpna. Þær hafa sýnt það að þær eru félaginu til mikils sóma og hafa einnig sýnt okkur að þær eru með mikla hæfileika í fótbolta. Við getum því sagt að markmið okkar ALLRA verður að hrósa, hvetja og fagna saman !  

Við erum með 2 lið á mótinu í 7.fl sem þýðir að allar stelpurnar fái allaveg helling af spiltíma og nóg að gera :)

Við höfum ákveðið að hvert lið fái "umboðsmann" en hlutverk hans verður að halda hópnum saman og tilbúnu við vellina þegar liðin fara að spila og geta stokkið inní ef okkur þjálfurum seinkar. Einnig fær "umboðsmaðurinn" að stjórna blaðamannafundum liðsins og halda eiginhandaáritunum í lágmarki.

Haukar A - Brasilía

Sara K, Kristín, Laufey, Sóley Lind, Emilía, Eva, Viktoría J og Viktoría K.

Umboðsmaður: Jóhann Unnar Sigurðsson

Haukar B - Argentína

Bryndís, Edda, Krista, Guðrún, Louisa, Rakel, Telma og Sóley Líf.

Umboðsmaður: Starf laust

Ef einhver hefur gleymst í upptalingu liðanna er það ekkert persónulegt og fyrirfram afsökunarbeiðni send. En ef einhvern vantar má endilega láta vita tímanlega :)

Að lokum minnum við á að hafa takkaskó, legghlífar, haukatreyju og vatnsbrúsa með í leikina. Hlökkum til að sjá ykkur öll á króknum !

Kv. Þjálfarar

Athugasemdir

[Kristín mamma Viktoríu J (IP-tala skráð) 27.6.2013 kl. 13:20]

HÆ hæ

Við erum alveg til í að vera "umboðsmaður" A liðsins.

Áfram Haukar !!!!

kv. Jói, Kristín og Alexandra

[Sigrún mamma Eddu (IP-tala skráð) 27.6.2013 kl. 18:50]

Frábært. Þetta verður virkilega gaman. Eru þið með einhverjar upplýsingar um hvar og hvenær við eigum að mæta í fyrstu leiki? Er búið að taka svæði frá á tjaldstæðinu fyrir Haukafólk eða eitthvað slíkt?

Við hlökkum mikið til :)

[Andri (IP-tala skráð) 27.6.2013 kl. 19:00]

Sæl Sigrún

Það er hellingur af Haukafólki mætt á svæðið svo það verður auðvelt að finna rauða litinn á tjaldsvæðinu.

Leikjaplan verður ekki komið í hendur fyrr en á morgun en við munum láta allar fréttir berast um leið og þær koma

[Rósa (mamma Evu Dísar) (IP-tala skráð) 27.6.2013 kl. 19:14]

Mikil tilhlökkum á okkar bæ . Minnum á að það verður frítt í sund fyrir stelpurnar, svo um að gera að taka sundfötin með . Áfram Haukar !

[Gaui Drengs (IP-tala skráð) 27.6.2013 kl. 20:45]

Hæ hæ ég er til í að vera umboðsmaður Argentínu og sérlegur ráðgjafi ef að starfið er ennþá laust kv Gaui Drengs ( Pabbi Kristu Sólar )