Frí á sunnudaginn - Pistill frá þjálfara

FRÍ á æfingu sunnudaginn 16.febrúar,

Næsta æfing er miðvikudaginn 19.feb.

Kæru foreldrar.

Mig langar að biðjast afsökunar á því hvað ég hef verið lítið duglegur að blogga undanfarið og hvað upplýsingaflæðið hefur verið af skornum skammti. Ég gæti vel talið upp fjöldan allan af afsökunum en ég ætla ekki að gera það heldur einfaldlega biðjast afsökunar og lofa að virkja bloggið aftur á fullu og halda öllum upplýstum !

Æfingarnar hjá flokknum hafa gengið vel og mæting/æfingasókn leikmanna tekið stórt stökk eftir áramót. Það er einnig farið að sjást mikið af nýjum andlitum á æfingum og margar nýjar sem eru byrjaðar að æfa af krafti með okkur. Við fögnum því og bjóðum allar nýjar fótbolta-Hauka-stelpur velkomnar :)

Mótið í dag gekk virkilega vel fyrir sig og bæði skemmtilegt og gagnlegt að mati þjálfara. Við vonum svo sannarlega að ykkur hafi fundist gaman og dagurinn nýst vel !

Ég tel mig vera mjög heppinn að vera með mjög virkan og góðan foreldrahóp en einnig auðveldar það starf mitt að vera með frábæran aðstoðarþjálfara. Lísbet hefur staðið sig mjög vel með stelpurnar og frábær fyrirmynd fyrir allar ungar Haukastelpur. 

Það sem liggur núna á teikniborði þjálfarans er eitthvað félagslegt/hópefli sem flokkurinn mun gera saman en það verður tilkynnt seinna. Einnig er komið að því að mynda foreldraráð í flokknum. Mótalisti sumarsins og dagsetningar voru birtar fyrr í þessum mánuði og má finna listann í bloggfærslu aðeins neðar. Og svo auðvitað æfingarnar okkar !

Að lokum langar mér að þakka aftur fyrir daginn, hrósa stelpunum fyrir frammistöðu sína bæði innan sem utan vallar og hvet alla til að halda áfram að fylgjast með blogginu.

Áfram Haukar !

kv. Andri þjálfari

Athugasemdir

[Klara (IP-tala skráð) 15.2.2014 kl. 18:13]

Takk sömuleiðis fyrir flottann dag ;) kveðja Klara og dætur

[Helga (IP-tala skráð) 15.2.2014 kl. 18:15]

Vid skemmtum okkur konunglega, takk fyrir okkur.Rut tók verdlaun og gladning fyrir Audi. Getur nálgast hann hjá okkur á Klukkuvöllum 13 (8477770). KV, Helga og Rut

[Enika Jonsdottir (IP-tala skráð) 16.2.2014 kl. 11:41]

Takk sömuleiðis fyrir daginn þær eru ekkert smà flottar þessar stelpur

[Enika Jonsdottir (IP-tala skráð) 16.2.2014 kl. 14:29]

Takk sömuleiðis fyrir daginn þær eru ekkert smà flottar þessar stelpur