Páskafrí og punktar af fundinum

Punktar af foreldrafundinum í kvöld:

 

# Fréttir af flokknum : Fjöldi á æfingar hefur verið að aukast með hverri æfingu og vonandi að það haldist. Nokkur ný andlit hafa bæst við og flokkurinn aðeins að stækka við sig. Hressar og duglegar stelpur á æfingum.

# Páskafrí : Stelpurnar eru núna komnar í páskafrí og næsta æfing er miðvikudaginn 23.apríl.

# Mótin í sumar : Á fundinum var birtur listi með mótum sumarsins, með staðfestum dagsetningum og verði. Hann leit svona út:

Vodafonemótið – Fossvogur – 3.-4.maí – 2000kr

VÍS-mótið – Laugardal – 24.-25.maí – 2000kr *

Landsbankamótið – Sauðárkrók – 28.-29.júní – 8500kr *

Símamótið – Kópavogi – 17.-20.júlí – 7000kr *

Arionbankamótið – Fossvogi – seinnipart ágúst – 2000kr

Stjörnumerkt mót eru mót þar sem þarf að borga staðfestingagjald.

Á VÍS-mótinu er staðfestingagjaldið 3500kr á hvert lið og við erum skráð með 2 lið. Skráningagjaldið þarf að borga fyrir 20.apríl. Foreldraráð í mótun sér um þessa greiðslu.

# Foreldraráð : Núna er komið að því að foreldraráð þurfi að fara að myndast. Verkefni þess eru ekki mörg en skemmtileg. Þjálfari hvatti til að foreldraráð 6. og 7.fl kvenna gætu unnið svolítið saman þar sem flokkarnir fara á sömu mót og í svipuðum undirbúningi. Þeir/þær/þau sem eru áhugasöm að vera í foreldraráði mega endilega senda Andra þjálfara póst á netfangið [e-mail] sem allra fyrst !

# Önnur mál : Þjálfari hvetur foreldra að merkja æfingafatnað stelpnanna svo það megi auðvelda það að flíkurnar komist aftur í réttar hendur ef þær gleymast á æfingum.

Að lokum þakka ég fyrir góðan foreldrafund og óska ykkur gleðilegra páska :)

Sjáumst hress miðvikudaginn 23.apríl og munið eftir aukaæfingunum !

kv. Þjálfarar